Kosova
Vazhdon kontrolli i bizneseve në Kosovë për vendosjen e flamujve në produkte
Inspektorati i Tregut në Ministrinë e Tregtisë po vazhdon kontrollet e operatorëve ekonomikë për vendosjen e flamujve që tregojnë vendin e origjinës.
Inspektorati ka kërkuar që deri në fund të janarit të gjitha marketet ta respektojnë udhëzimin administrativ.
Kryeinspektori, Lulzim Syla, ka thënë se qëllimi i udhëzimit nuk është gjobitja e bizneseve. “Në bazë të gjendjes në terren, vendosja e flamujve ka filluar në shumicën e marketeve, ne i këshilluam se ligji duhet të respektohet që të mos detyrohemi të gjobisim”, ka thënë Syla.
Në bazë të udhëzimit, vendosja e pjesshme e flamujve gjobitet me 1 mijë euro gjobë.
Ndërsa, nëse marketi nuk e respekton fare udhëzimin, atëherë inspektorati lëndën e paraqet në gjykatë. Gjoba nga kjo e fundit mund të arrijë deri në 20 mijë euro.
Ministri i Tregtisë, Endrit Shala, pati deklaruar se qëllimi i udhëzimit është që konsumatorët të dinë se çfarë po blejnë dhe nga vjen produkti.
Të ngjashme
Të tjera nga Kosova
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit