Lajme

Zënka në Lucens: Lirohet njëri djalë nga burgu

Njëri nga tre djemtë e Isen Bujës është liruar nga burgu, raportojnë mediat e Zvicrës.

E martë, 24 Janar 2012 - 9:44 albinfo.ch

Më 31 tetor 2011 pati të shtëna me armë para shtëpisë së z. Iseni. Sot mediat zvicerane lajmërojnë se njëri nga personat e implikuar në këtë aferë është liruar. Djali i I. Bujës është liruar, ndërsa ishte në paraburgim që nga mbrëmja e 31 tetorit, bashkë me dy vëllezërit e tij. Babai, z. Buja, ka dënuar deklaratën e avokatit të palës kundërshtare, i cili kishte pohuar për gazetën “24 heures” se klientët e tij nuk kanë qëlluar në drejtim të shtëpisë së tij. Ai ka thënë se kjo “nuk është aspak e vërtetë dhe që një dëshmitar i paanshëm do të vërtetojë këtë”.

E përditshmja “24 heures” tregon se gjithsej tre nga pesë të burgosurit janë liruar ditët e fundit.