Kosova
247-vjetori i pavarësisë së SHBA-së, pamje nga ceremonia në Ambasadën Amerikane
I ftuar ishte edhe kryeministri i Kosovës, Albin Kurti
Mbrëmë, Ambasada e Shteteve të Bashkuara të Amerikës në Prishtinë organizoi një ceremoni me rastin e 4 Korrikut, 247-vjetorit të pavarësisë së SHBA-së, përcjell albinfo.ch.
Thuhet se në këtë ceremoni ishin të pranishëm krerët e shtetit, një numër i madh deputetësh të Kuvendit të Kosovës, pjesëtarë nga mediat dhe shoqëria civile, etj.
Vlen të theksohet se në shënimin e Ditës së Pavarësisë së Shteteve të Bashkuara të Amerikës në Ambasadën Amerikane në Prishtinë, ambasadori amerikan, Jeffrey Hovenier, e nisi fjalimin e tij duke cituar një pjesë të Deklaratës së Pavarësisë së Kosovës.
Në këtë pjesë të deklaratës thuhet se: “Kosova [shpallet] një Republikë demokratike, laike dhe multietnike, e udhëhequr nga parimet e jodiskriminimit dhe mbrojtes së barabartë sipas ligjit. Ne do të mbrojmë dhe promovojmë të drejtat e të gjitha komuniteteve në Kosovë dhe të krijojmë kushtet e nevojshme për pjesëmarrjen e tyre efektive në proceset politike dhe vendimmarrëse”.
“Ky tekst elokuent është pjesë e premtimit të Kosovës dhe bazë e pavarësisë së saj”, tha Hovenier, njofton REL.
Ndërkaq, sot në një njoftim të Kryeministrisë thuhet se kryeministri Albin Kurti, i ftuar nga Ambasada Amerikane në Kosovë, mori pjesë në shënimin e 247-vjetorit të Deklaratës së Pavarësisë së Shteteve të Bashkuara të Amerikës.
Kryeministri Kurti e uroi ambasadorin amerikan, Jeffrey Hovenier, për 4 Korrikun, me dëshirat më të mira për kombin amerikan, aleatin e madh të Republikës së Kosovës.
Më poshtë mund të shikoni fotografi dhe pamje nga ceremonia me rastin e shënimit të 247-vjetorit të pavarësisë së SHBA-së.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
A do të humbasin burrat ukrainas statusin e tyre të mbrojtjes në Zvicër? Në luftën kundër Rusisë, Ukraina po kërkon kthimin e ushtarëve të saj të rekrutuar – 11,000...
-
Zvicër: Të ardhurat rriten me çdo brez
-
Nemo kthehet në Zvicër, mirëpritet nga fansat
-
“Qeveria kantonale duhet të sjellë Eurovisionin në Cyrih”
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta