Kosova
47 pjesëtar të Policisë së Kosovës dhanë dorëheqje këtë vit
Pjesëtarë të Policisë së Kosovës janë duke u larguar nga institucioni. Vetëm gjysmën e parë të këtij viti, dorëheqje vullnetare kanë dhënë 35 të punësuar, prej tyre 6 kadetë dhe 6 staf civil, përcjell albinfo.ch.
Sipas sindikatës së Policisë së Kosovës, arsye për këtë janë kushtet e vështira të punës.
“Nga informacionet që ne i kemi kryesisht kanë dhënë dorëheqje për shkak të pakënaqësive të kushteve si dhe tani së fundmi edhe të pagës. Por po ashtu si skandal që u krijua në Policinë e Kosovës është shtesa për rrezikshmërinë në punë prej implementimit të ligjit të ri të pagave në muajin shkurt. Janë bërë 5 muaj që prejse nuk është duke u ekzekutuar kjo shtesë dhe kjo ka krijuar pakënaqësi jashtëzakonisht të madhe te Policia e Kosovës, gjë që kemi paralajmërime se nëse kjo nuk bëhet dhe vazhdon kështu do të kemi edhe dorëheqje të tjera në vazhdimësi”, ka theksuar kryesindikalisti i policëve, Imer Zeqiri, shkruan RTS.
Nga Qeveria kërkohet më shumë vëmendje në këtë aspekt, pasi largimi shihet shqetësues.
“Braktisja e Policisë së Kosovës nga ana e pjesëtarëve të saj në shumicën e rasteve ndodh për arsye ekonomike, do të thotë pagat e vogla dhe mospagesa e shtesave apo rrezikshmërisë, e që me një fjalë ata persona nuk ndihen me dinjitet dhe e lëshojnë Policinë e Kosovës. Ky është një tregues shqetësues për Republikën e Kosovës sepse shkollimi dhe formimi i një zyrtari policor ka një kosto relativisht të lartë dhe në anën tjetër edhe në aspektin moral e shoqëror është humbje”, ka thënë Fatmir Çollaku, ekspert i sigurisë.
Ditë më parë Sindikata e Policisë së Kosovës dorëzoi në Kuvend, peticionin e nënshkruar nga mbi 62% e pjesëtarë të saj, që ka të bëjë me pakënaqësinë me ligjin e pagave. Nga themelimi e deri më tani, 2285 pjesëtarë të Policisë së Kosovës kanë dhënë dorëheqje vullnetare nga shërbimi, përcjell albinfo.ch.
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit