Festivali në Rahovec sjell turistë nga mbarë bota

Gjatë gjithë ditës vizitorë dhe turistë nga e gjithë bota kanë shikuar procesin e distilimit dhe të pjekjes së rakisë së rrushit. Një traditë me qindra vjet e cila u trashëgua me shumë dashuri brez pas brezi

Presidenti i Republikës së Kosovës, Hashim Thaçi, kryetari i komunës së Rahovecit, Idriz Vehapi dhe ministri i Bujqësisë, Memli Krasniqi, bashkë me të tjerë zyrtarë vendorë e ndërkombëtarë, kanë takuar vreshtarët dhe veraritë prezente n’Konak apo në HardhFest, që është festivali i verës dhe rakisë, që po mbahet në Rahovec, shkruan albinfo.ch.

Ky festival është hapur të premten do të jetë i hapur deri më 4 shtator, derisa do të ketë shumë aktivitete.

Gjatë gjithë ditës vizitorë dhe turistë nga e gjithë bota kanë shikuar procesin e distilimit dhe të pjekjes së rakisë së rrushit. Një traditë me qindra vjet e cila u trashëgua me shumë dashuri brez pas brezi.

Një nga bodrumet më të mëdha në botë, Stone Castle, ka krijuar një skenë spektakolare në qendër të Konakut.

Në kuadër të ditës së parë të HardhFestit u mbajt edhe dreka zyrtare e organizuar nga Stone Castle.

Në ditën e parë të HardhFest 2016 u ndanë edhe shpërblimet për vreshtarët më të mirë dhe kontributin e tyre të dhënë në aktivitetet e Festës së Vjeljes së Rrushit HardhFest! Vreshtarët më të mirë janë: Eqerem Hoxha, Tasim Dula, Agron Haxhimustafa, Teki Cena, Leonit Shala dhe Ruzhdi Muharremi.

Gjatë mbrëmjes është mbajtur një koncert ku ishin prezentë një numër i madh i shikuesve e ku performuan Elita 5, Sofie Kastrioti, dhe disa bende tjera dhe këngëtarë tjerë.