Fermerët në Junik ndihmohen me makina mjelëse për lopë

KFOR-i italian nëpërmjet një donacioni ka ndihmuar fermerët e Junikut me 20 makina mjelëse për lopë. Kryetari i Komunës së Junikut, Agron Kuçi, në ceremoninë e nënshkrimit të marrëveshjes tha se është një ndihmë e veçantë për fermerët e kësaj komune.

Ai premtoi se në të ardhmen do të angazhohet për sigurimin e donacioneve tjera. “Komuna është në shërbim të qytetarëve të saj dhe me këtë rast ka kryer me sukses obligimin e dhënë në krijimin e komisionit për zgjedhjen e fermerëve, të cilët mund të marrin makinat mjelëse, proces ky me një transparencë të plotë”, nënvizoi kryetari Kuçi.

Ndërsa, Halil Gacaferi, kryetar i Shoqatës së Fermerëve të Junikut “Kallavai”, tha se ka qenë një proces i gjatë, por edhe i vështirë, sepse edhe jemi vonuar në kohë. “Ka qenë e vështirë që të vendosësh drejt në këtë drejtim, edhe pse komisioni është përbërë prej pesë personave, ne jemi munduar qe të jemi sa më të drejtë dhe më transparent në këtë shpërndarje makinash”, tha Gacaferi.

Një nga fermerët përfitues, Kujtim Shala, tha se jemi të kënaqur me ndihmën dhe korrektësinë e komisionit. “Ne kemi 40 lopë qumështore dhe kjo makinë është e mirëseardhur, përkundër mundësive të mira financiare që i kemi” tha Shala.