Maqedonia e nënta me azilkërkues në Gjermani

Në vendin e parë është Serbia me rreth 904 kërkesa për azil edhe atë para Afganistanit me 624 dhe Irakut me 507

Maqedonia është në vendin e nëntë për nga numri i azilkërkuesve në Gjermani. Në muajin nëntor rreth 186 qytetarë nga vendi kanë paraqitur kërkesë për azil, raporton Zhurnal.

Ky numër është edhe më i madh se në Kosovë ku prej atje 133 veta kanë kërkuar azil. Në vendin e parë është Serbia me rreth 904 kërkesa për azil edhe atë para Afganistanit me 624 dhe Irakut me 507.

Krahas kësaj në Gjermani është rritur numri i emigrantëve ndjeshëm nga shtetet evropiane të goditur nga kriza. Në këtë shtet në gjysmën e parë të vitit janë shpërngulur 435 mijë shtetas të huaj, që është 68 mijë apo 19 për qind më shumë në periudhën e njëjtë më 2010.

Numri i të shpërngulurve në BE është rritur për 29 për qind, ndërsa rritje më të madhe ka nga Greqia 84 për qind. (Albinfo & Zhurnal)