Biznesi në Shqipëri ankohet për korrupsion në administratë

Përve efektit të krizës financiare globale, mjedisi ekonomik në Shqipëri, kërcënohet nga një sërë problemesh të brendshme, që nuk po gjejnë zgjidhje.

Korrupsioni, efikasiteti i ulet i administratës publike, apo presioni që ushtrohet për mitmarrje, janë tri nga ankesat kryesore të biznesit.

Në mbyllje të vitit, shoqatat e biznesit kanë kryer një anketim ne 500 ndërmarrje ne Shqipëri, ku ka rezultuar se 97 % e tyre evidentojnë korrupsionin si shqetësimin kryesor.

Ndërsa kontrollet që ushtrohen në mënyrë subjektive për qëllime presioni, tregojnë mungesën e konkurrencës në treg.

40 % e biznesmenëve pohojnë se paguajnë nën dorë, për të marrë një shërbim, si e vetmja rrugë për të mos u penalizuar, raportojnë mediat e Tiranës.

Sipërmarrësit shprehen se nuk e kanë problem nivelin e taksave, por kërkojnë reduktimin e barrierave që ndikojnë ne rritjen e kostove.

Sa i përket vitit 2012, nga anketimi ka rezultuar se nuk pritet të ketë ulje të numrit të të punësuarve, por as rritje e tyre. Ndërsa investimet duket se do te tkurren për shkak te krizës se likuiditeteve.