Kosova përfishet nga të reshura të mëdha të borës, ndëpritet mësimi

Reshjet e mëdha të borës kanë vështirësuar qarkullimin në pothuajse të gjitha rrugët e Kosovës.

Rrugë magjistrale dhe ato rajonale janë të kalueshme, mirëpo më shumë vështirësi ka në rrugët lokale. Për shkak të motit, është ndërprerë mësimi për këtë javë.

Kurse Policisë së Kosovës ka bërë të ditur se janë shkaktuar dhjetra aksidente, shumica e të cilave konsiderohet se janë shkaktuar nga reshjet e borës.

Në këto aksidente ka pasur lëndime të lehta dhe dëme materiale. Policia e Kosovës ka bërë të ditur se pikëkalimi Kullë-Rozhajë është bllokuar tërësisht.

Gjithashtu bora ka anuluar edhe vizitën e Presidentes në Shtërpcë, kthimin e Kryeministrit në Kosovë nga Vjena, ku ka marrë pjesë në takimin e GND-së, si dhe shumë vizita të tjera të zyrtarëve të lartë brenda vendit. Bora, sipas meteorologëve, do të bjerë edhe në ditët në vazhdim.