LIMAK investon 100 milionë në Maqedoni

Këtë deklaratë e ka dhënë në ceremoninë e hapjes së laboratorit për endoskopi në Shkup, kryeministri maqedonas Gruevski

Holdingu turk Limak pritet të investojë mbi 100 milionë euro në sektorët si turizmi, energjia dhe bujqësia në Maqedoni, ka thënë të shtunën kryeministri maqedonas Nikolla Gruevski për mediet.

Limak tashmë ka blerë sipërfaqe të mëdha toke në Maqedoni dhe ka plane zhvillimi për të ndërtuar hotel, një qendër tregtare prej 9000 metrash katrorë, ndërtesa banimi dhe ndërtesa tjera.

Holdingu në fjalë planifikon edhe ndërtimin e një rruge nëntokësore, ka thënë Gruevski. Këtë deklaratë ai e ka dhënë në ceremoninë  e hapjes së laboratorit për endoskopi digjestive në Klinikën e gastroeneterohepatologjisë në Shkup.