Blocheri para komisionit për imunitet

Komisioni ka për detyrë të konstatojë nëse Blocheri në momentin e kryerjes së veprimit ka gëzuar imunitet apo jo

Deputeti nacional Christoph Blocher do të duhet të paraqitet më 25 prill para komisionit për çështje imuniteti në Parlamentin Nacional. Pas kësaj, komisioni do të vendosë nëse do t`ia heqë atij imunitetin parlamentar ose jo, ka deklaruar kryetari i komisionit, Heinz Brand.

Kërkesën për të shqyrtuar imunitetin e tij e ka bërë Prokuroria e përgjithshme e Cyrihut. Ajo po e hulumton rolin e Blicherit në lidhje me publikimin e dokumentacionit bankar të ish kryetarit të Bankës Nacionale të Zvicrës, Philip Hildebrand. Në këtë kontekst bëhet fjalë për shkelje të sekretit bankar.

Komisioni ka për detyrë të konstatojë nëse Blocheri në momentin e kryerjes së veprimit ka gëzuar imunitet apo jo dhe nëse veorimi eventual i kryer nga ai ka qenë në lidhje direkte me mandatin e tij si deputet nacional ose jo.