Protesta në Evropë për votat e emigrantëve

Aleanca Kuq e Zi ka njoftuar  për nisjen e një vale të re protestash në të gjitha qytetet evropiane ku jetojnë shqiptarët, raportojnë mediat e Tiranës.

Protestat, sipas AK-së kanë nisur që sot në disa kryeqytete, si në Romë, Londër dhe Bruksel ku emigrantët shqiptarë janë mbledhur para konsullatave shqiptare.

Protestat kanë në qendër votën e emigrantëve, për të cilën AK thotë se u mohohet prej 22 vitesh.

Në një komunikim për shtyp Aleanca Kuq e Zi  u shpreh se një marrëveshje e Partisë Socialiste dhe Partisë Demokratike po i mohon të drejtën e votës rreth 2 milionë emigrantëve shqiptarë në Europë.