Muzikë

Ramë Lahaj: “A po shihemi në shesh nesër a jo?”

E mërkurë, 31 Korrik 2019 - 20:00 albinfo.ch

Tenori shqiptar me famë botërore, Ramë Lahaj, po përgatitet për koncertin që do të mbajë nesër në Prishtinë, në sheshin “Skenderbeu”, përcjell albinfo.ch.

Lahaj ka postuar një video ku shihet duke bërë prova, dhe mbi video ka shkruar: “A po shihemi në shesh nesër a jo”.

Tri ditë para koncertit, Ramaj kishte njoftuar se ka marrë një infeksion në fyt, por sic duket, gjendja i është përmirësuar dhe kjo nuk do ta pengojë ta mbajë koncertin e nesërm.

Ky koncert, që do të mbahet nesër me fillim nga ora 20:30, po organizohet nga Ministria e Diasporës dhe komuna e Prishtinës, në kuadër të manifestimit “Ditët e Diasporës”.