Lajme
Si arriti të rikthehej në kohë rekord në fushë Muriqi?
Vedat Muriqi ka befasuar të gjithë kur u rikthye në kohë rekord pas lëndimit të pësuar.
Sulmuesi prizrenas kishte pësuar një lëndim ndaj Kasimpasas, gjë që i pamundësoi të luante edhe me Përfaqësuesen e Kosovës dy ndeshjet e fundit, ndaj Çekisë dhe Anglisë.
Mjekët në Turqi i thanë se do të mbetet pesë deri në gjashtë javë jashtë fushave, mirëpo Muriqi është rikthyer në kohë rekord dhe ka luajtur për Fenerbahcen.
Muriqi u grumbullua dhe luajti në pjesën e dytë ndaj Gotzepes, duke dhënë një kontribut të madh, pasi asistoi në golin e barazimit 2-2 që e shënoi Gary Rodrigues.
“Lëndimi që kisha fillimisht parashihej që të mbetesha jashtë fushës pesë deri në gjashtë javë. Ekipi mjekësor në Fenerbahce ka bërë një punë shumë të madhe, pasi ditë e natë janë përkujdesur për mua dhe kjo bëri që të rikthehem në fushë”, deklaroi Muriqi pas ndeshjes.
25-vjeçari flet edhe për asistimin që dha për shokun e skuadrës Gary Rodrigues.
“Për t’u shëruar 100% nga lëndimi nevojitet një kohë më e madhe, mirëpo dëshira ime e madhe ishte të jem në fushë për këtë takim”.
“Kam pasur dhimbje të lehta, por më e rëndësishme është që luajta. Për ne sulmuesit nëse kontribuojmë për golat e skuadrës është shumë e mirë”.
“Kemi qëndruar së bashku si skuadër dhe shpresojmë që të jemi edhe javën e ardhshme, kështu që të rikthehemi te fitoret”, deklaroi Muriqi për mediat turke pas ndeshjes, shkruan telegrafi, përcjell albinfo.ch.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h