Vendet e varfra refuzojnë 100 milionë vaksina të dhuruara: Me afat të skaduar

Këtë ua ka shpjeguar deputetëve të Parlamentit Evropian shefja e departamentit të furnizimit të Unicef-it, diplomatja shqiptare, Etleva Kadilli

Edhe një pengesë e re i ka dalë fushatës së vaksinimit kundër koronës në vendet më të varfra: Sipas fondit të OKB-së për fëmijët, Unicef, më shumë se 100 milionë doza vaksinash të dhuruara nga jashtë janë refuzuan në dhjetor nga këto vende, trasnmeton albinfo.ch.Arsyeja kryesore është se vaksinat në fjalë kanë afat të shkurtër përdorimi, gjegjësisht janë pak para skadimit të këtij afati, shkruan srf.ch.

Këtë ua ka shpjeguar deputetëve të Parlamentit Evropian shefja e departamentit të furnizimit të Unicef-it, diplomatja shqiptare, Etleva Kadilli.

Nga 15 milionë doza të refuzuara, që ishin donacione nga BE-ja, tri të katërtat ishin produkte AstraZeneca, përcjell albinfo.ch. Ato kishin një afat përdorimi prej më pak se dhjetë javësh pas dorëzimit të planifikuar.

Disa vende gjithashtu po detyrohen të shtyjnë pranimin e dërgesave, thjesht sepse nuk ka frigoriferë për ruajtjen e vaksinave.

---