Blinken e Borrell diskutojnë për Kosovën

Çështja e normalizimit të marrëdhënieve mes Kosovës dhe Serbisë ka angazhuar maksimalisht bashkësinë ndërkombëtare.

Një ditë para takimit kur pritet të provohet të arrihet marrëveshje normalizimi, shefi i diplomacisë evropiane, Josep Borrell, ka telefonuar Sekretarin Amerikan të Shtetit, Anthony Blinken.

Bashkë kanë diskutuar për takimin e Ohrit mes liderëve të Kosovës dhe Serbisë, raporton Radio Evropa e Lirë, përcjell albinfo.ch.

“Të dy u pajtuan se ky është momenti i duhur për të bërë hapa domethënës përpara në interes të integrimeve në BE të Kosovës dhe Serbisë”, u tha në njoftimin e lëshuar nga BE-ja. Mes tjerash, u tha se biseda u përqëndrua në raundin e ri të bisedimeve Kosovë-Serbi, shkruan REL, përcjell albinfo.ch.