Kosova
Kina akuzon disa politikanë të Kosovës për shkelje të sovranitetit territorial
Ambasada e Kinës në Serbi thotë se politikanët e Kosovës kanë mbështetur hapur forcat separatiste gjatë vizitës së tyre në "rajonin kinez të Tajvanit"
Ambasada e Republikës Popullore të Kinës në Serbi thotë se politikanët e Kosovës kanë mbështetur hapur forcat separatiste gjatë vizitës së tyre në rajonin kinez të Tajvanit.
Ish-kryeministri i Kosovës dhe bashkëkryetari i “Sindikatës Ndërparlamentare për Politikën Kineze”, Avdullah Hoti, ka udhëhequr grupin ndërpartiak të Kuvendit të Kosovës për të vizituar Tajvanin nga 11 deri më 16 mars, raporton express, përcjell albinfo.ch.
Ambasada e Republikës Popullore të Kinës në Beograd thotë se politikanët e Kosovës kanë mbështetur hapur forcat separatiste gjatë vizitës së tyre në rajonin kinez të Tajvanit.
“Ky veprim cenon rëndë sovranitetin kombëtar dhe integritetin territorial të Kinës dhe ndërhyn rëndë në punët e brendshme të Kinës, gjë që pala kineze e kundërshton me vendosmëri. Tajvani është pjesë e pandashme e territorit kinez dhe çështja e Tajvanit është thjesht një çështje e brendshme e Kinës dhe asnjë forcë e jashtme nuk mund të ndërhyjë në të”, thotë ambasada.
Shtohet se parimi i një Kine është një normë bazë e njohur e marrëdhënieve ndërkombëtare dhe një konsensus universal i komunitetit ndërkombëtar.
“Pala kineze paralajmëron fuqishëm politikanët përkatës në Prishtinë që të ndalojnë menjëherë manovrat e tyre politike për çështjen e Tajvanit, të ndalojnë dërgimin e sinjaleve të gabuara për forcat separatiste të “pavarësisë së Tajvanit” dhe të ndalojnë së vepruari si peng i “pavarësisë së Tajvanit” dhe antiforcat kineze – theksojnë ata”, nga ambasada kineze.
“Dëshirojmë të theksojmë se vendosmëria e Kinës për të mbrojtur sovranitetin kombëtar dhe integritetin territorial është e palëkundur dhe se çdo përpjekje e çdo fuqie për të luajtur “kartën e Tajvanit” nuk do të ketë sukses”, përfundoi ambasada e Republikës së Kinës./Albinfo.ch
Të tjera nga Kosova
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë