Kosova
Zvicra i dhuron 5.5 milionë CHF Kosovës për projektin “Shërbime Shëndetësore të Integruara”
Marrëveshja u nënshkrua sot mes ministrit Vitia dhe ambasadorit Kolly
Zvicra shtrin mbështetjen e saj për të siguruar qasje të barabartë në shërbime shëndetësore cilësore në Kosovë, shkruan albinfo.ch.
Së bashku me Ministrinë e Shëndetësisë, Zvicra do të përpiqet të përmirësojë cilësinë e kujdesit për pacientët me sëmundje jongjitëse në Spitalet e Përgjithshme të Gjakovës dhe Pejës.
Ministri i Shëndetësisë, Dr. Arben Vitia dhe Ambasadori i Zvicrës në Kosovë, Thomas Kolly, kanë nënshkruar marrëveshje për projektin “Shërbime Shëndetësore të Integruara” në vlerë 5.5 milionë CHF. Ky projekt në fokus ka sëmundjet jongjitëse dhe u del në ndihmë posaçërisht grupeve të cenueshme që përgjithësisht kanë status shëndetësor më të dobët, përballen me situata më të vështira ekonomike, janë në rrezik më të shtuar të përjashtimit social në krahasim me popullsinë e përgjithshme.
– Ministri Vitia pasi që falënderoi ambasadorin Kolly për mbështetjen që shteti mik i Zvicrës ka treguar në vazhdimësi për shëndetësinë në Kosovë, tha se ndjehet jashtëzakonisht i lumtur edhe për fokusin që ka kjo marrëveshje, siç janë sëmundjet jongjitëse dhe grupet e cenueshme.
Ndërsa Ambasadori i Zvicrës, Thomas Kolly, tha se “Projekti IHS është një tjetër arritje në bashkëpunimin e zgjeruar në sektorin shëndetësor ndërmjet dy vendeve. Ambasadori Kolly nënvizoi përkushtimin për të kontribuar në fuqizimin e sistemit që siguron qasje të barabartë në shërbime shëndetësore cilësore për popullsinë, sidomos për grupet më të cënueshme.”
Spitalet e Përgjithshme në Gjakovë dhe Pejë janë dy partnerët kryesorë të projektit që angazhohen në aktivitete specifike bashkë me disa nga Qendrat e Mjekësisë Familjare që ushtrojnë aktivitetin në disa nga komunat e këtyre dy rajoneve.
Të tjera nga Kosova
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve