Detaje për vdekjen e fëmijës 5-vjeçar nga arma në Kosovë

Si pasojë e një plage të marrë nga arma e zjarrit, një fëmijë 5-vjeçar në Vushtrri ka vdekur të shtunën. Policia e Kosovës thotë se fëmija ishte dërguar në Spitalin e Vushtrrisë, ku humbi jetën si pasojë e plagës, përcjell albinfo.ch.

Policia ka raportuar se në vendin e ngjarjes ka qenë një predhë dhe një fishekë, si dhe rreth 56 metra larg vendit të ngjarjes është gjetur edhe arma.

“Vushtrri, 08.04.2023-17:10. Nga Emergjenca e spitalit në Vushtrri jemi informuar se një fëmijë mashkull nga një fshat i Vushtrrisë është duke marrë tretman mjekësor, i cili dyshohet se është plagosur me armë zjarri. Si pasojë e lëndimit, rreth orës 18:35 ka ndërruar jetë. Në vendin e ngjarjes është gjetur një predhë dhe një fishek si dhe në një distancë rreth 56 m larg nga vendi i ngjarjes është gjetur një armë pistoletë, e cila është konfiskuar. Rasti është duke u hetuar”, thuhet në raportin e Policisë, përcjell albinfo.ch.