Takim në Bruksel në nivel kryenegociatorësh

FB: Miroslav Lajcak

Të hënën në Bruksel do të takohen kryenegociatorët e Kosovës dhe Serbisë me ndërmjetësim të Bashkimit Evropian.

Sipas agjendës që ka lëshuar Bashkimi Evropian, emisari për dialogun, Miroslav Lajçak, do të ketë fillimisht takime të ndara me Besnik Bislimin e Petar Petkoviq, pastaj do të mbahet takimi trepalësh.

Ky është takimi i parë i kryenegociatorëve pas takimit në nivel të lartë midis kryeministrit të Kosovës, Albin Kurti, dhe presidentit të Serbisë, Aleksandar Vuçiq, i cili është mbajtur më 2 maj në Bruksel, përcjell albinfo.ch.

Nga ky takim palët u pajtuan për Deklaratën e të Zhdukurve, e po ashtu u prezantua edhe drafti i Asociacionit të Komunave me shumicë serbe nga Ekipi Menaxhues, draft i cili u kundërshtua nga Kosova.