Arrestohet drejtori i “Visametric”

Drejtori i kompanisë “Visametric” që merrej me caktimin e terminëve për viza në Ambasadën e Gjermanisë në Kosovë është në ndalim për 48 orë.

Prokuroria Themelore në Prishtinë ka njoftuar se i njëjti është ndaluar për “Mosekzekutim të vendimeve gjyqësore”, shkruan koha.net.

“Gjithashtu, ju njoftojmë se brenda afatit ligjor, prokurorja e çështjes, ndaj të njëjtit do t’i ndërmerre veprimet e mëtejme ligjore, derisa iu bëjmë të ditur se lidhur me këtë rast janë duke u zhvilluar hetimet deri në epilogun përfundimtar të kësaj çështjeje penale”, thuhet në njoftim, përcjell albinfo.ch.

Gjykata Komerciale ka marrë vendim që kompanisë “Visametric” t’i ndalohet që t’i detyrojë aplikantët të paguajë 30 euro për të aplikuar për termin për vizë në Ambasadën e Gjermanisë në Kosovë.