Kosova
Vuçiqi u drejtohet ambasadorëve të QUINT-it: Bindeni Kurtin, serbët s’lejojnë pushtim
Presidenti i Serbisë, Aleksandar Vuçiq, ka kërkuar “reagim të shpejtë” të komunitetit ndërkombëtar, sipas tij, kundër “politikave të Prishtinës dhe për t’i mbrojtur serbët nga presioni e dhuna brutale”.
Në një takim me ambasadorët e shteteve të QUINT-it, Vuçiqi ka thënë se “Albin Kurti duhet t’i tërheqë njësitet speciale, sepse serbët s’do ta pranojnë kurrë pushtimin e tij”.
Ai ka pasur dy kërkesa për QUINT-in.
“Shpresoj që ju mund ta bindni Kurtin të tërheqë forcat e tij dhe kryetarët personalë nga veriu”, ka thënë Vuçiqi.
Sipas komunikatës së Presidencës së Serbisë, ambasadorët e shteteve të QUINT-it kanë kërkuar që palët të kthehen në tavolinën e dialogut për të gjetur zgjidhje për të dalë nga situata.
Situata në veri – Vuçiqi në takim me ambasadorët e QUINT-it, BE-së, Rusisë dhe Kinës
Presidenti i Serbisë, Aleksandar Vuçiq, priti në takim ambasadorët e vendeve të QUINT-it – SHBA-së, Britanisë së Madhe, Francës, Gjermanisë dhe Italisë – ashtu si edhe kreun e delegacionit të Bashkimit Evropian në Beograd.
Në takim mori pjesë edhe ministri i Mbrojtjes i Serbisë, Millosh Vuçeviq, dhe shefi i Shtabit të Përgjithshëm të Forcave të Armatosura të Serbisë, Millan Mojsilloviq, raporton Radio-Televizioni i Serbisë.
Vuçiq, gjatë ditës, do të takohet edhe me ambasadorët e Rusisë dhe Kinës.
Takimet vijnë një ditë pasi protestues serbë në Zveçan – komunë me shumicë serbe në veri të Kosovës – u përplasën me ushtarë të KFOR-it.
Dhjetëra të plagosur u raportuan në të dyja anët.
Për t’u informuar lidhur me zhvillimet e fundit në veri të Kosovës, përcillni blogun e Radios Evropa e Lirë
Protestuesit në këtë komunë, ashtu si edhe në dy të tjera, Zubin Potok dhe Leposaviq, protestuan kundër kryetarëve të rinj shqiptarë, të dalë nga zgjedhjet e jashtëzakonshme të prillit.
Protestat janë duke vazhduar edhe sot.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla