SHBA-ja, në mbështetje të planit të BE-së për veriun

Lajçak i vazhdon takimet në Washington

Nënsekretarja amerikane e Shtetit për Çështjet Politike, Victoria Nuland, ka bërë të ditur se është takuar me të dërguarin e Bashkimit Evropian për dialogun, Miroslav Lajçak, përcjell albinfo.ch.

Ajo ka theksuar se ata biseduan për zhvillimet në veri dhe se bashkë me Lajçak kërkojnë që të ulen sa më shpejt tensionet në veri.

“Ne u bëjmë thirrje Kosovës dhe Serbisë që t’i ndalojnë tensionet menjëherë dhe të fillojnë zbatimin e angazhimeve nga Marrëveshja e Ohrit”.

“Ne vazhdojmë të mbështesim planin trepikësh të BE-së, si mënyra më e mirë për zgjidhjen e krizës”, ka thënë Nuland.

Lajçak ka shkruar në Washigton me ftesë të amerikanëve për të zhvilluar takime lidhur me gjetjen e një zgjidhjeje për situatën e veriut.

Dje gjatë ditës ai e ka ripërsëritur thirrjen e tij bashkë me të dërguarin e SHBA-së, Gabriel Escobar, që të lirohen tre policët e kidnapuar nga Serbia, si dhe të ndalen tensionet në veri.

 

---