Borrell në alarm, pas arrestimit në Mitrovicë të Veriut dhe marshimit të FSK-së

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, është nën alarm për shkak të situatës në veri të Kosovës.

“Shumë i alarmuar rreth situatës në veri të Kosovës: Arrestime të jashtë juridiksionit të serbëve të Kosovës dhe marshimi i Forcës së Sigurisë së Kosovës në Mitrovicën e Jugut; pasuar nga retorika e ashpër e Serbisë. Pavarësisht takimit të krizës dje, përshkallëzimi vazhdon dhe po bëhet më i rrezikshëm. Nuk do ta tolerojmë këtë”, ka shkruar ai në Twitter, përcjell albinfo.ch.

Të premten në Mitrovicë të Veriut, Policia e Kosovës arrestoi një serb nën dyshimin për përfshirje në sulm e rrezikim të anëtarëve të KFOR-it më herët gjatë protestave dhe Forca e Sigurisë së Kosovës kreu marshin kondicional në Mitrovicë të Jugut.