Shpërthim tjetër në Mitrovicë të Veriut

Keystone EPA/DJORDJE SAVIC

Një shpërthim tjetër i fuqishëm është dëgjuar orët e para të së hënës tek “Tre rrokaqiejt” në veri të Mitrovicës.

Veton Elshani, zëvendësdrejtor i Policisë për rajonin e veriut, ka thënë për KosovaPress se policia nuk ka arritur ta konfirmojë saktë vendin ku është hedhur mjeti shpërthyes, por që nuk ka të lënduar dhe as dëme materiale.

“Mbrëmë kemi dëgjuar një detonim. Nuk ka të lënduar e as dëme materiale”, ka thënë ai, përcjell albinfo.ch.

Ndryshe, ditë më parë persona deri tash të panjohur kishin sulmuar me mjet shpërthyes pikë kontrollin policor në këtë lagje, por nuk kishte të lënduar.