Kosova e Turqia arrijnë dy marrëveshje ushtarake

EPA/STRINGER/KEYSTONE

Sot, Qeveria e Kosovës në mbledhjen e mbajtur ka miratuar dy nisma me shtetin e Turqisë në lidhje me fushën ushtarake, përcjell albinfo.ch.

Nismat e miratuara janë nisma për lidhjen e Marrëveshjes së Bashkëpunimit ndërmjet Qeverisë së Republikës së Kosovës dhe Qeverisë së Republikës së Turqisë për Bashkëpunim në Fushat Ushtarake të Trajnimeve, Teknikës dhe Shkencës dhe Nismën për lidhjen e Marrëveshjes ndërmjet Qeverisë së Republikës së Kosovës, e përfaqësuar nga Ministria e Mbrojtjes dhe Kryesisë së Shtabit të Përgjithshëm të Republikës së Turqisë për Bashkëpunim në Trajnimin Ushtarak.

Ministri i Mbrojtjes, Armend Mehaj, tha se këto janë marrëveshje të rëndësishme për të dyja shtetetz, në fushën e sigurisë që lidhen me trajnimet ushtarake.