Mbahet simpoziumi i diasporës në kompjuterikë – Inteligjenca Artificiale

‘’Intelegjenca Artificiale dhe Industria në Kosovë’’, e organizuar në kuadër të Simpoziumit të Diasporës në ICT

 

Shkolla Kombëtare e Doktoratës në Teknologji të Informacionit dhe Komunikimit në Kosovë ka organizuar simpoziumin e diasporës në kompjuterikë, me temën “Inteligjenca Artificiale Kosova”. I pranishëm në këtë simpozium ishte rektori i Universitetit të Prishtinës, dr. Qerim Qerimi, së bashku me zëvendësministren e Ministrisë së Punëve të Jashtme dhe Diasporës, znj. Liza Gashi, dekanin e Fakultetit të Inxhinierisë Kompjuterike dhe Elektrike, dr. Isak Shabani, profesorë, pjesëmarrës nga diaspora dhe studentët, përcjell albinfo.ch.

Rektori Qerimi mbajti një fjalim para të pranishmëve, gjatë të cilit diskutoi për aplikimet e Inteligjencës Artificiale në disiplina të shumta dhe se si teknologjia mund ta bëjë botën një vend më të mirë për të jetuar. E ardhmja është kur njerëzimi dhe inteligjenca artificiale përparojnë së bashku, tha rektori, dhe është thelbësore të shfrytëzohet teknologjia për të mirën e të gjithëve.

Me fjalë të tjera, dekani i Fakultetit të Inxhinierisë Kompjuterike dhe Elektrike, prof. dr. Isak Shabani, theksoi se ky fakultet ka rreth 2000 studentë gjithsej, në të gjitha nivelet e studimit. Fakulteti është i fokusuar në inovacionin, avancimin e aftësive kërkimore dhe arritjen e objektivave të studentëve në këtë fushë, sipas dekanit Shabani. Dekani Shabani theksoi se vitin e ardhshëm do të kenë një konferencë me Universitetin e Danimarkës për të zgjeruar perspektivën për një të ardhme premtuese.

Para pjesëmarrësve në cilësinë zyrtare foli dhe znj. Liza Gashi, zëvendësministre e Ministrisë së Punëve të Jashtme dhe Diasporës.

Organizimi i këtij aktiviteti bëhet në partneritet me Universitetin e Prishtinës, Ministrinë e Punëve të Jashtme dhe Diasporës, në kuadër të projektit “The development and implementation of a PhD Program in ICT for the Kosovo Education System DI-PhDICTKES”, i bashkëfinancuar nga Programi Erasmus+ i Bashkimit Evropian.

---