Ja cilat janë frutat më të dobishme për stinën e verës

Një ushqim me bazë frutash nuk është i shëndetshëm vetëm për organizmin, por edhe për bukurinë e trupit. Të gjitha frutat janë të pasura me vitamina, por disa prej tyre sjellin me shume dobi se të tjerat dhe vera është stina më e përsosur për shfrytëzuar në maksimum vlerat e tyre.

 

Luleshtrydhet

Një luleshtrydhe përmban më shumë vitaminë C se sa një portokall i tërë. Kjo frutë e shijshme, e kuqe, është shumë e rëndësishme për të mbajtur të shëndetshme qelizat dhe për të stimuluar prodhimin e kolagjenit, proteinës më të rëndësishme për mirëqenien e lëkurës, por edhe për kockat dhe enët e gjakut. Ndër të tjera, luleshtrydhet ndihmojnë edhe për të mbajtur dhëmbët të bardhë.

 

Pjepri

Pjepri përmban pak kalori dhe një nivel të lartë të fibrave, vitaminave C, potasiumit, beta-karrotenë, antioksidantë që luftojnë efektet e dëmshme të radikaleve të lira. Në reaksion me elementë të tjerë çlirojnë vitaminën A, tepër të rëndësishme për shëndetin dhe bukurinë e lëkurës.

 

Boronicat

Prej kohësh dëgjojmë për këto fruta, të cilat janë tepër të shëndetshme për sportistë dhe për ata që ndjekin një dietë për tu dobësuar. Janë të pasura me vitaminë C dhe antioksidantë, substanca që mbajnë larg sëmundjet. Ndër të tjera, janë ushqime anti-kancerit dhe mbajnë zemrën të shëndetshme.

 

Pjeshkat

Një tjetër frutë e stinës, me një shije të ëmbël dhe tepër e shëndetshm. Sipas dietologes Julie Upton, pjeshkat janë një ‘central i vërtetë tretës’. Një pjeshkë përmban rreth 60 kalori dhe 20 substanca të tjera tretëse, mes së cilave vitamina, zink dhe potas.

 

---