Sonte nis Festivali i Gastronomisë në Prishtinë

Në kohën kur bashkatdhetarët kanë ardhur për t’i kaluar pushimet e verës në Kosovë, një tjetër aktivitet i mirëpret ata. Është Prishtina Gastronomy Festival, i cili do të mbahet tetë ditë radhazi.

Festivali nis të enjten, më 20 korrik, dhe përmbyllet më 27 korrik, ndërsa do t’i mirëpresë shumë artistë shqiptarë, raporton Albinfo.ch.

Festivalin do ta hapë një prej legjendave të muzikës shqipe. Është Armend Rexhepagiçi, ai i cili do të këndojë para publikut në Sheshin “Adem Jashari” në Prishtina.

Ndërsa gjatë netëve të tjera, do të jenë të tjerë artistë po aq të njohur, të cilët do ta argëtojnë publikun, në çdo mbrëmje, ku edhe ushqimi tradicional do të jetë i bollshëm dhe i shumëllojshëm./Albinfo.ch