MPB diskuton me mërgimtarët për fushatën “Festo me zemër, jo me armë”

MPB

Ministria e Punëve të Brendshme në pikën kufitare në Mërdar ka pritur mërgimtarët për të diskutuar me ta në kuadër të fushatës “Festo me zemër, jo me armë”.

“Duke iu dëshiruar mirëseardhje në vendlindje mërgimtarëve që vinin në Kosovë përmes pikës së kalimit kufitar në Merdar, zëvendësministri i Punëve të Brendshme, z. Blerim Gashani, diskutoi me mërgimtarët për fushatën që është duke e organizuar Ministria e Punëve të Brendshme, kundër të shtënave festive: “Festo me zemër, jo me armë’”, thuhet në njoftimin e MPB-së, përcjell albinfo.ch.

Me këtë rast zëvendësministri Gashani kërkoi nga mërgimtarët që bashkë me institucionet të shpërndajë mesazhet kryesore të kësaj fushate, për të gjithë familjarët e tyre për rreziqet dhe pasojat që vijnë nga të shtënat festive.

“Mërgimtarët janë një aset i madh për shtetin e Kosovës dhe për gjallërinë që sjellin në vendlindje. Ju kemi përzgjedhur ju, me qëllim që të na ndihmoni të shpërndani këtë mesazh për rrezikun që kanë të shtënat festive dhe të raportoni rastet te Policia e Kosovës. Vetëm duke punuar së bashku, mund të ndihmojmë në parandalimin e kësaj dukurie negative, e cila i përket së kaluarës”, theksoi Gashani, përcjell albinfo.ch.