72 të arrestuar e 34 armë të sekuestruara për 5 ditë në Kosovë

72 persona janë arrestuar e 34 armë janë sekuestruara për 5 ditë në Kosovë, në kuadër të aksionit policor ‘Goditja’ që synon parandalimin e krimit dhe armëve në duart e qytetarëve.

Policia e Kosovës ka njoftuar se ky urdhër operativ vazhdon të ketë fokus zonat urbane dhe po zbatohet në mbarë territorin e Kosovës.

Gjatë kësaj kohe, me qëllim të ofrimit të një ambienti sa më të qetë, në zonat urbane është bërë shtimi i patrullave policore të njësiteve të ndryshme dhe janë shënuar aktivitetet si në vijim:

• Janë realizuar 2154 Pika Kontrolli për Automjete, 730 prej tyre me radarë dhe alool-test,

• Janë kontrolluar 12038 vetura,

• Janë kontrolluar 229 lokale,

• Janë arrestuar 72 persona, prej tyre 24 me urdhërarreste nga gjykatat dhe

• Janë konfiskuar 34 armë.

“Policia do të vazhdojë të kryejë dhe të realizojë pikat e parapara me këtë urdhër me qëllim që rastet kriminale dhe aktivitet e tjera antiligjore të parandalohen dhe të zvogëlohen sa më shumë”, thuhet në njoftim.