Policia e Kosovës arreston të dyshuarit për gjuajtje me granata dore në Mitrovicë

Policia e Kosovës ka njoftuar se ka arrestuar të dyshuarit për hedhjen e një granate dore në sheshin “Adem Jashari” në Mitrovicë më 9 qershor.

“Pas zhvillimit të hetimeve disamujore nga hetuesit, janë siguruar prova materiale si dhe janë identifikuar të dyshuarit e mundshëm në lidhje me kryerjen e veprës penale të lartcekur. Më datë 23.08.2023 me urdhëresë të gjykatës është kryer kontrolli në një lokacion dhe janë arrestuar dy të dyshuar, meshkuj kosovarë, të cilëve me vendim të gjyqtarit të procedurës paraprake u është caktuar masa e paraburgimit”, thuhet në raportin 24-orësh të PK-së.

Të dyshuarit janë dërguar në paraburgim, përcjell albinfo.ch.