Osmani uron për vitin e ri shkollor: Kultivoni ndjeshmëri, të menduar kritik, krijimtari

Presidentja e Kosovës uron nisjen e mësimit për të gjithë nxënësit në Republikën e Kosovës

Sot, presidentja Vjosa Osmani ka uruar vitin e ri shkollor, duke theksuar se beteja për dije nuk përfundon kurrë, përcjell albinfo.ch.

“Me mendje të hapura për dije dhe zemra të mbushura me emocione, nxënësit tanë po e nisin këtë vit të ri shkollor, i cili është një kapitull i ri, një mundësi për të mësuar diçka të re, për ta sfiduar veten dhe për ta zgjeruar horizontin e dijes”, ka thënë presidentja Osmani.

Më tej, Osmani ka theksuar se beteja për dije nuk përfundon kurrë.

“Ndërsa po nisni një vit të ri shkollor, le ta sjellim në vëmendje se arsimimi nuk ka të bëjë vetëm me libra dhe teste, por me kultivimin e ndjeshmërisë, të menduarit kritik dhe kreativitetin. Beteja për dije nuk përfundon kurrë! Urime 1 shtatori!

Sukseset e shënofshin çdo ditë të këtij viti shkollor!”, ka theksuar Osmani.

 

---