Osmani takon Blinken-in, diskutojnë për stabilitetin në rajon

Vjosa Osmani, Facebook

Presidentja e Kosovës, Vjosa Osmani, të mërkurën ka takuar Sekretarin amerikan të Shtetit, Antony Blinken, gjatë qëndrimit të saj në New York, ku po mbahet sesioni i 78-të i Asamblesë së Kombeve të Bashkuara.

Ajo njofton se është diskutuar për integrimin dhe rrugën euroatlantike të Kosovës.

“Diskutim i rëndësishëm me Sekretarin Blinken për të ardhmen euroatlantike të Kosovës, fuqizimin ndërkombëtar të vendit tonë, stabilitetin në rajon, si dhe rëndësinë e bashkërendimit me aleatët”, ka shkruar ajo në Facebook.

Osmani më tej ka deklaruar se lidhje me SHBA-në është ekzistenciale dhe e pashkëputshme, përcjell albinfo.ch.