BE-ja, në kontakt me institucionet e Kosovës për serbët e arrestuar për krime lufte

Zëdhënësi i Bashkimit Evropian, Peter Stano, ka thënë se është në kontakt me institucionet e Kosovës për të pasur informacione të plota rreth arrestimit të disa serbëve në veri të Kosovës.

“Referuar asaj se çfarë po ndodh tani në veriun e Kosovës, në operacionin e Policisë, nuk thashë që po vë në pikëpyetje ndonjë gjë, thashë që jemi në kontakt shumë të afërt me partnerët tanë të ngushtë dhe autoritetet relevante që të kemi një pasqyrë të qartë të asaj se çfarë po ndodh dhe si po kryhen këto veprime. Nuk bëra asnjë gjykim për këtë situatë, tregova se po mbledhim informatat e nevojshme”, ka thënë ai.

Prokuroria Speciale e Kosovës njoftoi të mërkurën për arrestimin e tre personave të nacionalitetit serb nën dyshimet për kryerje të “krimeve të luftës kundër popullsisë civile”, përcjell albinfo.ch.