BE: Asociacioni, obligim që Kosova e ka marrë

Zëdhënësi i BE-së, Peter Stano, thotë se Bashkimi Evropian është duke monitoruar me kujdes situatën në veri të Kosovës.

Tutje shtoi se formimi i Asociacionit të komunave me shumicë serbe duhet të fillojë menjëherë, pa vonesa dhe kushte.

“Aty thuhet gjithçka, si dhe të gjitha pritjet e BE-së sa u përket Forcave të Sigurisë së Kosovës dhe Policisë së Kosovës”, tha Stano.

Zëdhënësi i BE-së përsëriti se BE-ja ka thënë qartë se formimi i Asociacionit duhet të fillojë menjëherë, pa vonesa dhe kushte.

“Si do të bëhet, në çfarë mënyre, në çfarë forme do të jetë, do të diskutohet në dialog. Dialogu është platforma ku do t’i zgjidhim këto çështje. Procesi i negociatave duhet dhe do të jetë në dialog, jo në media dhe publik”, tha ai, përcjell albinfo.ch.