Ministria e Ekonomisë në Kosovë subvencionon pajisjet për ngrohje

Ministria e Ekonomise, Kosove

Ministria e Ekonomisë së Kosovës ka njoftuar se është shpallur thirrja publike për subvencionim të pajisjeve efiçiente për ngrohje për shtëpi dhe banesa, që financohet nga Bashkimi Evropian (BE).

“Me këto masa synohet mbështetja e konsumatorëve familjarë, në veçanti konsumatorët në nevojë si investimi në instalimin e pajisjeve efiçiente për ngrohje”, tha ministrja e Ekonomisë, Artane Rizvanolli.

Pajisjet që do të subvencionohen janë: pompa termike, kondicioner/ klimë efiçiente (pompë termike ajër-ajër të tipit inverter me efiçiencë të lartë), kaldaja me biomasë (dru, pelet, briket) dhe stufa individuale me biomasë.

Vlera e subvencionimit për një pompë termike është 30% e vlerës investive, apo deri në 2 mijë euro.

Vlera e subvencionimit për kondicioner do të jetë e ndryshme, përcjell albinfo.ch.