Ambasadori i BE-së në Kosovë thotë se gjendja në veri është e rrezikshme

Keystone (AP Photo/Bojan Slavkovic)

Shefi i Zyrës së Bashkimit Evropian në Kosovë, Tomas Szunyog, ka vizituar veriun e Kosovës.

Ai ka shkruar se zhvillimet e ditëve të fundit paraqesin rrezik për sigurinë e komuniteteve.

“Gjatë një vizite në veri të Kosovës dëgjova zëra dhe perspektiva të ndryshme për situatën aktuale në terren. Zhvillimet e fundit janë një kujtesë e ashpër dhe tragjike e asaj që është në rrezik për njerëzit që jetojnë në veri të Kosovës, për sigurinë e të gjitha komuniteteve të saj dhe për rajonin më gjerë”, ka shkruar ai, përcjell albinfo.ch.

Të dielën e 24 shtatorit, policia e Kosovës u sulmua nga një grup terrorist i prirë nga Milan Radojiçiq, ku mbeti i vrarë rreshteri Afrim Bunjaku.