Lajme

Bizneset kërkojnë heqjen e menjëhershme të kufizimeve Covid

Qeveria zvicerane po përballet me thirrje për pezullimin e menjëhershëm të masave të saj anti-Covid, veçanërisht rregullat e punës nga shtëpia dhe karantinës, përcjell albinfo.ch.

Megjithatë, ekspertët dhe shkencëtarët shëndetësorë i kanë hedhur poshtë propozimet si kundërproduktive dhe të parakohshme.

Një aleancë e grupeve të biznesit dhe partive politike të qendrës së djathtë tha se kufizimet ishin “disproporcionale” dhe jo të përshtatshme për të përmirësuar situatën për bizneset dhe shoqërinë.

“Shumë sektorë të komunitetit të biznesit dhe popullatës po vuajnë jashtëzakonisht”, tha Hans-Ulrich Bigler, drejtor i Shoqatës me ndikim të Ndërmarrjeve të Vogla dhe të Mesme, në një konferencë shtypi të martën.

Disa folës të tjerë, veçanërisht nga sektorët e ngjarjeve dhe mikpritjes, thanë se certifikata shëndetësore Covid duhet të hiqet, sipas agjencisë së lajmeve Keystone-SDA, përcjell tutje albinfo.ch.


LAJME INTERESANTE NGA INTERNETI