Bukë shtëpie

Buka faktikisht në traditën tonë shqiptare nuk mungon në asnjë tavolinë. Nëse ndonjëherë keni menduar ta realizoni vetë në shtëpi, është më e thjeshtë seç e keni imagjinuar, në këtë mënyrë do të dini se çfarë hani dhe do ta shijoni akoma më shumë!

Përbërësit:

•       Për 2 bukë në tava duhen:
•       miell, 4 tasa
•       maja,
•       ujë, 2 tasa
•       kripë

Përgatitja:

Në një filxhan hidhet maja e bukës (fara e bukës) në ujë të vakët dhe shkrihet. Në enë ose tepsi hidhet miell, në mes hapet gropë, ku hidhet maja e bukës (fara e bukës), ujë i ngrohtë (i vakët), pak kripë dhe përzihen me dorë.
Kur e bën me makinë, hidhen në makinë mielli, maja, uji, kripa. Uji hidhet pak nga pak dhe brumi bëhet më i butë se i byrekut. (Për byrek për 1 kg miell merren 550-600 gram ujë, megjithëse kjo varet nga lagështia e miellit).
Duke e përzier nga mesi, zihet një brumë i fortë, i cili punohet për 10 minuta, ndahet në kuleq, mbulohet me picetë të lagur dhe lihen për 20-30 minuta që të fitojë elasticitet.

Lihet brumi të vijë, pastaj e kthen në tavë dhe e lë përsëri të vijë për së dyti.

Shënim:
1) Ardhje kuptohet kur brumi është fryrë sa dy herë dhe/ose ka lëshuar fluska.
2) Brumi duhet të rrihet mirë derisa të ndahet nga duart dhe të bëhet si llastik, të zgjatet kur e tërheq deri në një pëllëmbë.
Në tepsi të lyer me yndyrë futet në sobë dhe piqet në një temperaturë 250°C, për rreth 1 orë.

Ju bëftë mirë!

---