Lifestyle

Dua Lipa, ndër të veçantat e top-listave më 2017

Dominimi i vitit 2017 nga këngëtarja kosovare Dua Lipa, ka qenë ndër 32 ngjarjet më interesante të vitit, sipas uebfaqes së top-listës zyrtare britanike.

Me “New Rules”, ajo arriti që në muajin gusht të bëhet këngëtarja e parë që me solo-projekt dominon në top-listë për herë të parë në gati dy vjet, që kur Adele dominonte me “Hello” më 2015, përcjell albinfo.ch.

Kjo këngë, përpos suksesit në Britani, i solli Lipës suksese në gjithë botën duke e renditur në top-këngët e vitit. Që nga lansimi në korrik, kjo këngë ka grumbulluar në YouTube më shumë se 820 milionë klikime.