Lajme
Facebook ndalon postimet që mohojnë Holokaustin
Rrjeti social Facebook njoftoi se do t’i ndalojë postimet që mohojnë ose shtrembërojnë Holokaustin dhe se do të nisë t’i drejtojë njerëzit në burime autoritare nëse ata kërkojnë informacione për gjenocidin nazist.
“Nëse njerëzit kërkojnë për Holokaustin në Facebook, ne do të fillojmë t’i drejtojmë te burime autoritare, për të marrë informacione të sakta”, tha të hënën shefi i Facebook-ut, Mark Zuckerberg. Duke njoftuar për masën e re, Zuckerberg tha se ka luftuar për të mbrojtur fjalën e lirë dhe për të kufizuar përmbajtjen me urrejtje.
“T’i tërheqësh linjat e duhura midis asaj që është dhe nuk është e pranueshme, nuk është e thjeshtë, por në gjendjen aktuale të botës, unë besoj se ky është ekuilibri i duhur”, tha Zuckerburg. Javën e kaluar, Facebook njoftoi se do të fshijë çdo grup ose faqe që identifikohet hapur me QAnon-in, një grup i teorive të konspiracionit, që beson se disa “satanistë pedofilë” e drejtojnë botën. Kjo masë vlen edhe për aplikacionin Instagram.
Rrjeti social Facebook po ashtu ka ndërmarrë kufizime për dezinformimin e qëllimshëm për koronavirus.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe