Lajme

Greqia ashpërson masat pas rritjes së rasteve me Covid-19

Rritja e numrit të rasteve me koronavirus, ka detyruar Greqinë të ndërmarrë masa edhe më të rrepta. Teksa u bë e ditur se mbajtja e maskës do të vazhdojë të jetë obligative edhe në muajin gusht.

Zëvendësministri grek i Mbrojtjes Civile për Menaxhimin e Krizave, Nikos Hardalias, tha se vendet e ngrënies, njerëzit me probleme mjekësore si vështirësi në frymëmarrje ose fëmijët nën 3 vjeç janë të përjashtuar nga përdorimi i maskës.

”Përgjegjësia personale ishte dhe është suksesi i fshehtë i Greqisë në këtë pandemi. Në këtë fazë të gjithë duhet të shfaqim të njëjtën përgjegjësi dhe vetëdije”, ka thënë Hardalias, përcjell albinfo.ch.

Për më tepër, kufizime dhe masa më të rrepta janë marrë për vizitat në shtëpitë e kujdesit për të moshuarit, për njerëzit në nevojë, qendrat e refugjatëve dhe spitalet.

Ceremonitë për ngjarje të shënuara familjare, siç janë pagëzimet, martesat dhe funeralet janë të kufizuara për 100 persona, duke mbajtur distancën sociale.

 


LAJME INTERESANTE NGA INTERNETI