Javën e ardhshme, temperatura deri në 40 gradë në Kosovë

Keystone (AP Photo/Czarek Sokolowski)

Java e fundit e korrikut do të përcillet me temperatura shumë të larta.

Madje pritet që të martën të arrijë deri në 38 gradë e lokalisht edhe në 40 gradë Celsius.

“Si zakonisht, pas çdo të nxehti ekstrem, masa të freskëta ajrore nga veriu do të depërtojnë mbi vend nga dita e mërkurë dhe enjte, që zbresin temperaturat edhe deri në 23C, ditën e enjte. Të mërkurën më vonë pasdite kalojnë mbi vend rrebeshe me bubullima, derisa riga lokale shiu mund të vazhdojnë edhe ditën e enjte.  Për të premten temperaturat shënojnë një rritje, e parashihet të mbajë mot kryesisht me diell”, shkruan klankosova.

Indeksi i rrezeve ultravjollce vazhdon të mbetet me rrezikshmëri shumë të lartë. Preferohet që në orët e mesditës nga 10 deri 16 t’i ikim kontaktit me rreze të  diellit, përcjell albinfo.ch.