Kosova
Konjufca: Kjo që ndodhi është e papranueshme, rrëmuja në Kuvend u krijua qëllimshëm
Menjëherë pas ngjarjes sot, ka reaguar edhe kryetari i Kuvendit të Kosovës, Glauk Konjufca, i cili e ka quajtur të papranueshme tentimin për përleshjen fizike që ka ndodhur sot në sallën e seancave plenare. Konjufca theksoi se përdorimi i dhunës edhe në këtë mënyrë është i dënueshëm, teksa shtoi se tashmë kjo është përgjegjësi e organeve të rendit dhe, sipas tij, nëse ka pasur sulm fizik, do të trajtohet prej ligjit, përcjell albinfo.ch.
“Kjo që ndodhi në Kuvendin e Kosovës është e papranueshme, përdorimi i dhunës edhe në këtë mënyrë është i ndëshkueshëm, i dënushëm prej të gjithë neve, prandaj konsideroj që për shkak të kësaj rrëmuje që u krijua qëllimshëm, është përgjegjësi e organeve të rendit dhe nëse ka pasë sulm fizik do të trajtohet prej ligjit, është pjesë që nuk na takon neve, ajo vetëm ka ndodhur brenda sallës dhe shqyrtohet me profesionalizëm prej njerëzve përgjegjës”, ka deklaruar Konjufca.
Kryepralamentari më pas ka njoftuar se do shkojnë në pauzë 2-orëshe, pasi sipas tij, nuk ka kushte të vazhdohet seanca. “Sa i përket mundësisë me vazhdu seanca, nuk po shoh kushte në këtë moment kur po flasim. Po e marrim një pushim prej 2-orësh dhe pastaj vendosim se në çfarë mënyrë e vazhdojmë seancën”, tha kryetari i Kuvendit.
Gjatë kohës sa ishte duke dhënë fjalim kryeministri Albin Kurti, ka ndodhur një tentim për përleshje fizike. E gjithë kjo nisi kur deputetja e PDK-së, Ganimete Musliu, vendosi një foto në foltoren e Kuvendit, përderisa Kurti po deklarohej, një fotografi të kreut të ekzekutivit më hundë të madhe. Më pas zëvendëskryeministri Besnik Bislimi është ngritur nga karriga e tij dhe ka grisur fotografinë. Pas këtij veprim, deputeti i PDK-së, Mergim Lushtaku, i cili hodhi ujë në drejtim të kryeministrit Kurti dhe zëvendëskryeministrit Bsilimi, në mbrojtje të së cilit erdhi ministri i Financave, Hekuran Murati. Lushtaku shihet duke e shtyrë fizikisht ministren e Drejtësisë, Albulena Haxhiun. Ndërkaq deputeti i PDK-së, Hajdar Beqaj, shihet duke goditur fizikisht ministrin Murati.
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Zvicër
-
Migrimi ndërmjet kantoneve zvicerane – fituesit dhe humbësit Gjatë 20 viteve të fundit, popullsia e vendit është rritur me 20%...
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër
-
Kosova në fokus të takimeve Zvicër – Itali