Korrupsioni nuk po ndëshkohet

Drejtori i Agjencisë Kundër Korrupsionit, Hasan Preteni, ka thënë se deri më tani kjo agjenci ka përcjellë më shumë se 200 kallëzime penale në prokuroritë kompetente.

Sipas tij, numri i zyrtarëve të përfshirë në ato kallëzime penale kalon 600 dhe në 60 për qind të rasteve, prokuroritë i kanë pranuar provat e Agjencisë dhe kanë vazhduar hetimet penale, por kjo agjenci nuk ka marrë asnjë informacion nëse ka përfunduar ndonjë rast me aktgjykim.

Ai thotë se bisedohet shumë për korrupsionin në Kosovë, por fatkeqësisht pak hetohet dhe fare nuk gjykohet.

Preteni vlerëson se mungon një transparencë dhe llogaridhënie nga organet e drejtësisë.