Kosovë: Zhduken dy vajza

Dy vajza janë raportuar nga Policia e Kosovës të zhdukura.

Njëri rast raportohet nga Ferizaj ku një e mitur është larguar nga shtëpia dhe nuk është kthyer më.

“Ferizaj 01.08.2023, ora17:00. Raportohet se viktima femër kosovare e mitur është larguar nga shtëpia dhe nuk është kthyer më,” thuhet në raportin policor.

Ndërsa, rasti tjetër ka ndodhur në Malishevë ku një grua ka raportuar se motra e saj ka dalë nga shtëpia dhe nuk dihet vendndodhja e saj.

“Malishevë, 02.08.2023, ora 18:15. Ankuesja femër kosovare ka raportuar se motra e saj ka dal nga shtëpia dhe nuk dihet vendndodhja e saj,” thuhet në njoftimin e policisë.

---