Ukraina
Kryqi i Kuq u kërkon Ukrainës dhe Rusisë që të bien dakord për evakuime të sigurta
Komiteti Ndërkombëtar i Kryqit të Kuq (KNKK) me seli në Gjenevë u ka bërë thirrje Ukrainës dhe Rusisë që të arrijnë një marrëveshje të qartë për evakuimin e civilëve nga qyteti i rrethuar në jug të Ukrainës, Mariupol, dhe vende të tjera të goditura nga lufta, përcjell albinfo.ch.
Drejtori i Përgjithshëm i KNKK-së, Robert Mardini, i tha Reuters të martën se organizata humanitare nuk do të marrë pjesë në asnjë evakuim të detyruar, të civilëve nga Ukraina dhe se nuk kishte informacion të dorës së parë se kjo po ndodh.
Ai tha gjithashtu se kishte një “fushatë dezinformuese” kundër KNKK-së në mediat sociale.
“Shqetësimi ynë është se vetë intensiteti i luftimeve po i vë në rrezik civilët, fakti që në vende si Mariupol civilët nuk janë në gjendje të largohen në kushte të sigurta, nuk ka pasur marrëveshje konkrete nga palët në konflikt për evakuimin e sigurt të civilëve, as nuk ka pasur dritë jeshile për të futur ndihma humanitare”, tha Mardini.
Ai përsëriti qëndrimin e organizatës për çështjen e evakuimeve të detyruara që u përshkrua në një deklaratë të KNKK-së, e botuar më 26 mars.
KNKK thotë se është i shqetësuar se keqinformimi në lidhje me këtë çështje mund të ketë një ndikim të madh te njerëzit e prekur nga konflikti në Ukrainë dhe që gjithashtu po vë në rrezik stafin dhe vullnetarët e Kryqit të Kuq në terren dhe mund të rrezikojë aksesin te njerëzit që kanë nevojë për ndihmë urgjente, përcjell tutje albinfo.ch.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore