Lajme
Luan Bardi, kandidat për Këshillin Bashkiak të Payerne-it në Zvicër
Luan Bardi ka shpallur kandidaturën e tij, si këshilltar komunal në zgjedhjet për Këshillin Bashkiak të Payerne-it në Zvicër.
Shumë mërgimtarë shqiptarë po depërtojnë në fushën e politikës në Zvicër, duke kandiduar për një vend ku ata jetojnë. Së fundmi, edhe Luan Bardi ka shpallur kandidaturën e tij si këshilltar komunal në zgjedhjet për Këshillin Bashkiak Payerne në Zvicër, shkruan albinfo.ch.
Luani vjen nga rradhët e partisë PLR, dhe për të dytën herë është pjesë e listës së kandidatëve në garë, për zgjedhjet të cilat do të mbahen në zonën elektorale në Payerne më 7 mars 2021, shkruan albinfo.ch.
Luani është 30 vjeç, ka lindur në Payerne dhe punon në një kompani lokale të specializuar në rrjetet e ujit nëntokësor si bashkëpunëtor Administrativo-Teknik.
Vlen të theksohet se Luani ka qenë këshilltar bashkiak për 4 vite, por edhe president i JLR Broye-Vully, anëtar i komitetit Broye Vully dhe kandidat për Këshillin Kombëtar në vitin 2019
Ai është i pasionuar pas ndërtimit, dhe shprehet se kohën e tij të lirë, jashtë angazhimeve të punës, e kalon duke mirëmbajtur, rinovuar dhe zhvilluar disa ndërtesa, të fituara me kalimin e kohës në Payerne, ku si udhëzues ka pasur jo vetëm një këshilltar të shkëlqyeshëm, por edhe një person me burime të vërteta të njohurive në këtë fushë, babain e tij.
Luani ka një mesazh për votuesit me të drejtë vote në Payerne:
“Të dashur miq, ndoshta rrethanat aktuale iu kanë mërzitur aq çuditërisht, saqë zgjedhjet janë gjëja e fundit për të cilën dëshironi të mendoni. Mirëpo, e nesermja po ndërtohet sot! Pra, nëse doni të më mbështesni, merrni listën e PLR nga Këshilli Bashkiak, shtoni Luan Bardi. Merrni gjithashtu listën PLR të Komunës dhe futni 2 listat në zarfin e verdhë. Nëse nuk jeni të sigurt mund të më kontaktoni direkt në facebook, do të isha i lumtur t’ju ndihmoj ! Faleminderit për mbështetjen tuaj!” ka shkruar Luan Bardi. /Albinfo.ch
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë