Për të gjithë shqiptarët që duan viza pune, vjen lajmi i mirë nga Gjermania

Nga data 1 mars është vendosur që të lehtësohen këto procedura, në mënyrë që një vizë pune të arrihet të merret më shpejtë

Meqenëse shteti i Gjermanisë është padyshim një prej vendeve më të frekuentuara nga të rinjtë kosovarë për të gjetur ndonjë punë, qoftë ajo sezonale apo edhe më e gjatë.

Së fundi zyrtarët nga Gjermania  kanë bërë të ditur se nga data 1 mars është vendosur që të lehtësohen këto procedura, në mënyrë që një vizë pune të arrihet të merret më shpejtë.

Në njoftimin e tyre thuhet se që nga kjo datë në Gjermani hynë në fuqi rregulla të reja rreth imigrimit të fuqisë punëtorë të kualifikuar. Ligji i ri zgjeron mundësinë tashmë ekzistuese për punëmarrësit e kualifikuar nga shtetet që nuk janë pjesë e BE-së, si Kosova, Shqipëria e vende të tjera, por që kërkojnë të fillojnë një marrëdhënie punësimi në Gjermani.

Duhet potencuar se Jan Freigang dhe Feride Ozdemir kanë realizuar së fundi një video në të cilën flasin për përpunimin e vizave profesionale.

Freigang tha se i pëlqen të shkojë drejtë Zyrës për Punë të Jashtme çdo të hënë, por që sot është edhe më e veçantë.

“Sot po kalojmë në hapësirën tonë të re, të një zyre tjetër me një ekip të ri për të filluar një detyrë të re dhe të mrekullueshme. Gjermani është vend që ka nevojë për punëtorë të aftë. Qoftë në kujdes shëndetësorë, në zanate, apo në industrinë e IT’së. Për këtë po bëhet edhe Ligji rreth Imigrimit të Fuqisë Punëtore të Kualifikuar, i cili do të hyjë në fuqi më 1 mars të vitit të ardhshëm. Ne duam të sigurojmë bashkë me ekipin tonë të ri profesionistë se mund të marrin një vizë për hyrje në Gjermani”, tha ai, transmeton Indeksonline.

Nga ana tjetër Ozdemir tha se në disa vende njerëzve u duhet të presin shumë gjatë për shkak të kërkesës për vizë dhe se për këtë arsye dëshirojnë të mbështesin dhe lehtësojnë ambasadat dhe konsullata  nga Berlini duke marrë përsipër  përpunimin e kërkesave për viza nga specialist të shumtë.

“Në praktikë kjo funksionon në atë mënyrë që aplikimi të bëhet në Ambasadë, ne bëjmë provimin në Berlin dhe nëse gjithçka është siç duhet, Ambasada e jep vizën. Jam e kënaqur që jam pjesë e një prezantimi të ri që nga fillimi dhe do të punoj në një ekip ku njohuritë specifike për vendet nga e gjithë bota mblidhen në një vend”, shtoi ajo, transmeton albinfo.ch.

 

 

---